De cels qe ore ne faillent ad lour seignurage.
Car cels qe sunt remis garder lur heritage.
Ad le rei requis e pris en sun veiage
Sur le ray d’Escoce e sur sun fals barnage,
Ke ad ray Edward dedient lur homage.
Le primer jour de Marce, en tot le graunt orage,
Vint le ray Edward à trop grant costage 150
A Novechastel-sur-Tyne, pur le graunt utrage
Ke les fels mastins ount bracé par folage.
Nostre rays Edward ait la male rage!