Taunt cum Sire Edward ouf cuntes e barouns

Fist Berwiche enclore de fossez envirrouns,

Issuz sunt d’Escoce trais countes, par nouns

De Mar, de Ros, de Montesce, [of] .xl. mile felouns;

Estaint en la rute alaunt en tapisouns, 210

Tyndale unt destruite en cendres e carbouns,

La vile de Corbridge e deuz religiouns

De Exillesham e Lanercost en unt destruite par arcouns,

Du people du pais ount fet occisiouns,

Enporté les biens, en chacé les chanouns.