And that everich biwreied other of here wrecchede werkes.
But certes holi churche is muchel i-brouht ther doune,
Siththen Seint Thomas was slain and smiten of his croune.
He was a piler ariht to holden up holi churche,
Thise othere ben to slouwe, and feinteliche kunnen worche, 40
i-wis;
Therfore in holi churche hit fareth the more amis.
But everi man may wel i-wite, who so take ȝeme,
That no man may wel serve tweie lordes to queme.
Summe beth in ofice wid the king, and gaderen tresor to hepe,