Spernere quod bonum est, quod malum est amare,
Et ad mala sæpius sponte declinare.
Mundus quia malus est, male scit nocere;
Mala novit facere, nescit pœnitere;
Caro quicquid appetit pro posse vult habere,
Sed quod Deus præcipit nequit adimplere.
Jam nil valet aliquis ni sciat litigare,
Nisi sciat cautius causis cavillare,
Nisi sciat simplices dolis impugnare,
Nisi sciat plenius nummos adunare.