Hier quant paien nous vindrent à l’issue des gués
L. mile furent, à vers helmes jesmés,
Grans caus en soustenimes sur les escus bandés;
Oliviers mes compaigns i fu le jour navrés.
Tout fuissons desconfit, c’est fines verités,
Quant vous nous secourustes e vos riches barnés,
Et paien s’en tournerent les frains abandonnés.
Quant fumes repairié as loges et as trés,
Puis te vantas le soir, quant tu fus enivrés,
Que li viel chevalier c’avoies amené