Trestote le plus ardant quil i poet trover,
Par tiel air soffla le fu qil li fist voler.
Puis ad dist a Names ‘Ore vous covent soffler.’
Names prist le tison qui bien se sout aider,
Vers le payen s’en va pur le tison sofler,
Pur ceo le fist ly dus qa ly se volt meller,
Si suffla le tison qe le fist allumer,
Le barbe et le menton fist au payen bruler,
Tres parmy le visaie en fist la flame virer,
Qe par un sule petite qe nel fist souuiler.