Jaiaz videront cens ne taille donee. [‹li›]
Ne tardoit que .iiij. ans k’Espaigne fu gastee.
La fu la treison de Rollant porpensee,
Qe Ganes le vendist a la gent diffaee,
Puys fu as chiuals sa chars destreinee,
Pinables en fu mortz de suz Lyons en la pree,
La le vengea Terris au trenchant del espee,
Puys fu pendu armes par gulee paree,
Toutz iours vegnent traitors a mal destinee
Ou aloignee ou apres ia ni aueront duree.