Ther was a duke that highte[[2]] Theseus;
Of Athenes he was lord and governour,
And in his tyme swich a conquerour,
That gretter was ther noon under the sonne.
Ful many a riche contree hadde he wonne;
What with his wisdom and his chivalrye,
He conquered al the regne[[3]] of Femenye,
That whylom was y-cleped[[4]] Scithia;
And weddede the quene Ipolita,
And broghte hir hoom with him in his contree