ON THE TRUCE BETWEEN ENGLAND AND FRANCE (1394).
By Eustace Deschamps.
Source.—Political Poems and Songs (Rolls Series), i. 300.
Antre[55] Beauraym et le parc de Hedin,
On moys[56] d'Aoust, qu'on soye les fromens,[57]
M'en aloye jouer[58] par un matin;
Si vi bergiers et bergieres[59] aux champs,
Qui tenoient là leurs parliers moult grans,[60]
Tant que Bochiers dist à Margot la broingne,[61]
Que l'en aloit[62] au traitté à Bouloigne,
Et que François et Anglois feront paix.
Elle respont: "Foy que doy Magueloigne,
Paix n'avez jà s'ilz ne rendent Calays."[63]
Lors vint avant Berthelot du Jardin,
Qui respondit: "La paix suis desirans;
Car je n'ose descouchier[64] le matin.
Pour les Anglois que nous sont destruisans;
Mais dire oy, il a passé dix ans.[65]
Qu'à leur dessoulz quierent tondis aloingne[66]
Pour mettre sus[67] leur fait et leur besoigne,
Et puis courent[68] le regne à grans eslays;[69]
Maint l'out veu,[70] et pour ce je tesmoigne,
Paix n'avez jà s'ilz ne rendent Calays."
Après parla, par grant courroux,[71] Robin
A Berthelot, et lui dist: "Tu te mens,
Car les François et les Anglois enfin
Veulent la paix, il en est dès or temps;[72]
Trop a duré la guerre et li contens,[73]
Ne je ne voy nul qui ne la ressoingne.[74]
Certes, tout ce ne vault une escaloigne."[75]
Ce lui respont Henris li contrefais:[76]
"Encor faulra chascun (prengne) sa broingne;[77]
Paix n'avez jà s'ilz ne rendent Calays.
Car l'autre jour oy maistre Martin,[78]
Qui racontoit le roy est mendre d'ans,[79]
Et qu'il estoit une loy[80] en Latin
Qui deffendoit[81] rien vendre des enfans.[82]
En Guyenne sont deux mille et cinq cens
Villes, chasteauls,[83] qu'Angleis veulent qu'on doingne.[84]
Et grant tas[85] d'or, et que le roy esloigne[86]
De roy en duc l'ommaige[87] qui est fais."
"Qui fera ce?" respon sote Caroingne;[88]
"Paix n'avez jà s'ilz ne rendent Calays."
Guichars si bruns, qui fu nez à Seclin,[89]
Dist que cilz faiz est doubreux et pesans:[90]
Voire, et qu'Englès y pensent mal engin[91]
De retenir ce port, qui est constans.
"Se ce ne fust bien se fussent rendans:[92]
Mais ils pensent barat,[93] guerre, et alloingne[94]
Faire au derrain.[95] Ne le duc de Bourgoingne
Et de Berry ne feroient jamais
Tel paix à eux. Qui voulra si me perdoingne,[96]
Paix n'avez jà s'ilz ne rendent Calays."
Envoy.
Princes, là fu Bertrisons, et Hersans,
Et Alizons, qui moult orent de sens;[97]
Et jugierent, quand li parlers fu fait,
Que telle paix seroit orde et meschans;[98]
Et concluirent aux bergiers eulx disans:[99]
"Paix n'avez jà s'ilz ne rendent Calays."
FOOTNOTES:
[55] Between.
[56] Month.
[57] When they reap the wheat.