"I will live like my faither before me—king o' Tarras-side," said the youth.
"That shall ye, Archy," rejoined the freebooter; "an' though the Scotts an' the Elliots may, like fause louns, make obeisance to the king, and get braid lands for bending their knees, what cares Sandy Armstrong for their lands, their manrents, or their sheep-skins, scrawled owre by a silk-fingered monk—his twa-handed blade and his Jeddart-staff shall be a better title to an Armstrong than an acre o' parchment."
The boy caught the spirit of his sire, and flourished his Jedburgh-staff, or battle-axe, in his hand. The father raised the quegh to his lips—"Here's to ye, Archy," he cried, "ye'll be cooper o' Fogo!"
He crossed his arms upon his breast—he sat thoughtful for a few minutes, and again added—"Archy—but my heart fills to look on ye—ye are a brave bairn, but this is nae langer the brave man's country. Courage is persecuted, and knaves only are encouraged, that can scribble like the monks o' Melrose. Ye had sax brithers, Archy—sax lads whase marrows warna to be found on a' the lang Borders—wi' them at my back an' I could hae ridden north and south, an' made the name o' Sandy Armstrong be feared; but they are gane—they're a' gane, and there's nane left but you to protect and defend your poor mother when I am gane too; and now they would hunt me like a deer if they durst, for they are butchering guid and true men for our bit raid to Penrith, as though the life o' an Armstrong were o' less value than an English nowt. If ye live to be a man, Archy, and to see your poor auld mother's head laid in the mould, take my sword and leave this poor, pitifu', king-ridden, an' book-ruined country; an' dinna ye disgrace your faither by makin' bickers like the coopers o' Nicolwood, or pinglin' wi' an elshin like the souters o' Selkirk."
The sleuth-dog, which lay at their feet, started up, snuffed the air, growled and lashed its tail. "Ha! Tiger! what is't, Tiger?" cried Sandy, addressing the dog, and springing to his feet.
"Troopers! troopers, faither!" cried Archy, "an' they are comin' frae ilka side o' the forest."
"Get ready the dags,[3] Archy," said the freebooter; "it's twa lang spears' length to the bottom o' Tarras moss, an they'll be light men and lighter horses that find na a grave in't—get ready the dags, and cauld lead shall welcome the first man that mentions King Jamie's name before the walls o' Cleughfoot."
The boy ran and brought his father's pistols—his mother accompanied him to the turret. She gazed earnestly on the threatening bands of horsemen as they approached, for a few seconds, then taking her husband's hand—"Sandy," said she, "I hae lang looked for this; but others that are wives the now shall gang widows to bed the night, as well as Elspeth Armstrong!"
"Fear naething, Elspeth, my doo," replied the riever; "there will be blood in the way if they attack the lion in his den. But there's a lang and tangled moss atween them an' Cleughfoot. We hae seen an enemy nearer an' be glad to turn back again."
"They will reach us, faither," cried Archy; "do ye no see they hae muffled men before them?"