“I dinna mean to say, Madge,” answered one, who appeared to be the most influential personage amongst her auditors—“I dinna mean to say but that your relation and his comrades hae performed a most noble and gallant exploit—one that renders them worthy o’ being held in everlasting remembrance by their countrymen—and glad would I be if we could this night do the same for Fast Castle. But, woman, the thing is impossible; the cases are not parallel. It mightna be a difficult matter to scale the highest part o’ the walls o’ Home Castle, and ladders could easily be got for that purpose; but, at Fast Castle, wi’ the draw-brig up, and the dark, deep, terrible chasm between you and the walls, like the bottomless gulf between time and eternity!—I say, again, for my part, the thing is impossible. Wha has strength o’ head, even for a moment, to look doun frae the dark and dizzy height o’ the Wolf’s Crag?—and wha could think o’ scaling it? Even if it had been possible, the stoutest heart that ever beat in a bosom would, wi’ the sickening horror o’ its owner’s situation, before he was half-way up, be dead as the rocks that would dash him to pieces as he fell! Na, na, I should hae been glad to lend a helping and a willing hand to ony practicable plan, but it would be madness to throw away our lives where there couldna be the slightest possibility o’ success.”
“Listen,” said Madge; “I ken what is possible, and what is impossible, as weel as ony o’ ye. I meant that ye should tak for example the dauntless spirit o’ my kinsman and the men o’ Home, and no their manner o’ entering the castle. But, if yer hearts beat as their hearts did, before this hour the morn’s nicht, the invaders will be driven frae Fast Castle. In the morning we are ordered to take provisions to the garrison. I shall be wi’ ye, and in the front o’ ye. But, though my left arm carries a basket, beneath my cloak shall be hidden the bit sword which my guidman wore in the wars against King Harry; and, as I reach the last sentinel—‘Now, lads! now for Scotland and our Queen!’ I shall cry; and wha dare follow my example?”
“I dare! I will!” said Florence Wilson, “and be at yer side to strike doun the sentinel; and sure am I that there isna a man here that winna do or die, and drive oor enemies frae the castle, or leave his body within its wa’s for them to cast into the sea. Every man o’ us, the morn, will enter the castle wi’ arms concealed about him, and hae them ready to draw and strike at a moment’s warning. Ye canny say, freends, but that this is a feasible plan, and ye winna be outdone in bravery by a woman. Do ye agree to it?”
There were cries of—“Yes, Florence, yes!—every man o’ us!”—and “It is an excellent plan—it is only a pity that it hadna been thocht o’ suner,” resounded on all sides; but “Better late than never,” said others.
“Come round me, then,” said Madge; and they formed a circle around her. “Ye swear now,” she continued, “in the presence o’ Him who see’th through the darkness o’ night and searcheth the heart, that nane o’ ye will betray to oor enemies what we hae this nicht determined on; but that every man o’ ye will, the morn, though at the price o’ his life, do yer utmost to deliver oor groaning country frae the yoke o’ its invaders and oppressors! This ye swear?”
And they bowed their heads around her.
“Awa, then,” added she, “ilka man to his ain hoose, and get his weapons in readiness.” And, leaving the copse, they proceeded in various directions across the desolate moor. But Florence Wilson accompanied Madge to her dwelling; and, as they went, she said—
“Florence, if ye act as weel the morn as ye hae spoken this nicht, the morn shall my dochter, Janet, be yer wife, wi’ a fu’ purse for her portion that neither o’ ye kens aboot.”
He pressed her hand in the fulness of his heart; but she added—
“Na, na, Florence, I’m no a person that cares aboot a fuss being made for the sake o’ gratitude—thank me wi’ deeds. Remember I have said—a’ depends on yer conduct the morn.”