"What was that Jamie?"
"What was what, lassie?" said the wondering husband. "I see naething by ordinar."
"Man," returned the guidwife, "did you no hear yon awfu rattle at the windock? My flesh's a' creepin, for I fear something no canny's aboot the back o' the hoose. It was just like the noise that was heard at Willy Patty's windock last year afore his mither dee'd."
"Havers, lassie; ye've just been dreamin," said the guidman, who was anxious to quiet his partner's fears, though he was not altogether free from some tremours himself.
The stranger gave another rap.
"Hear ye that, then, Jamie?" said the guidwife. "It's no sic a dream, I trow; for that's something awfu."
"Deed is't," said James, who was now convinced that the "rattle" was not quite so terrible as it had been represented; "it's an awfu thing for ony puir body to be oot in sic a nicht as this; but let's be thankfu, Nanny, that we hae a roof to hap oorsels frae the storm, and a door to let a hooseless body in at."
James flung himself around, and disentangled his feet from the bedclothes, with the intention of going immediately to admit the stranger; but, ere he got away from the bedside, his "better half" laid hold of him, and cried out, in great perturbation—
"Stop, Jamie—stop, I beseech ye; and consider weel what ye're aboot; for ye ken that, forby the danger o' robbers and rascals, the evil spirits just delight to range aboot in sic a nicht as this, like roarin lions, seekin wham they may devour; and wha kens what may come owre ye, if ye pit yersel i' their merciment."
"Havers, woman!" said James again; "let me go, I tell ye; for I'll speak at the windock, and spier if he wants shelter, though it war auld Satan himsel."