Lætitiam Euphrosyne, speciosum Aglaia nitorem;
Suadela est Pithus, blandus et ore lepos.
Cur nudæ? mentis quoniam candore venustas
Constat, et eximia simplicitate plucet.
An quia nil referunt ingrati, atque arcula inanis
Est Charitum? qui dat munera, nudus eget.
Addita cur nuper pedibus talaria? Bis dat
Qui citò dat—Minimi gratia tarda pretî est.
Implicitis ulnis cur vertitur altera? gratus
Fenerat: huic remanent una abeunte duæ.