Sic numero bonitas, numerus bonitate relucet;
Ut stellas pariter lux numerusq; decet.
Arte senes, annis pueros mirabitur hospes;
Dum stupet, in pueris nil puerile videns.
Consurgit, crescitq; puer, velut Hydra sub ictu;
Florescitq; suis sæpe rigatus aquis.
Stat regimen triplici fasces moderante magistro;
Doctaq; Musarum regna Triumvir habet.
Scilicet has inter sedes quòd regnet Apollo,
Optimè Apollineus comprobat ille Tripos.