O’er his cauld shouther-head the warm blanket he drew,
Syne pu’d down his night-cap and snored snug and soun’.
The morning’s bright bonfire, that bleezed in the east,
Had meltit in heaven ilk wee siller stern,
When the cock crawed reveillè to man, bird, and beast,
As he sat on an auld knotty rung in the barn.
The dog in the watch-house yowled eerie and lang,
And struggled right fiercely to break frae his chain;
The auld chapel bell like a burial knell rang,
And groanings were heard as frae bodies in pain.