A gran' watch was gotten belyve,
An' May, wi' sma' "priggin," consentit
To be ane o' a party o' five
To gang to the Manse an' present it.
Oh! but we were sly, etc.
We a' gied a word o' advice
To May in a deep consultation,
To hae something to say unco' nice,
An' to speak for the hale deputation.
Oh! but we were sly, etc.
Takin' present an' speech baith in han',
May delivered a bonny palaver,
To let Mr. M'Gock understan'
How zealous she was in his favor.
Oh! but we were sly, etc.
She said that the gift was to prove
That his female friends valued him highly,
But it couldna express a' their love,
An' she glinted her ee at him slyly.
Oh! but we were sly, etc.
He put the gowd watch in his fab,
And proudly he said he wad wear it,
An' after some flatterin' gab,
He tauld May he was goin' to be marriet.
Oh! but we were sly,
We were sly and sleekit,
But Mr. M'Gock was nae gowk,
Wi' our dainty bit plan to be cheekit.