Ergo avidus muros optatae molior urbis
Pergameamque voco, et laetam cognomine gentem
Hortor amare focos, arcemque attollere tectis,—
* * * * *
Iura domosque dabam.
Vobis laetus ego hoc candentem in litore taurum
Constituam ante aras, voti reus, extaque salsos
Porriciam in fluctus, et vina liquentia fundam.
Quare agite, O iuvenes! tantarum in munere laudum
Cingite fronde comas et pocula porgite dextris.