“Na, na, Miss—it’s because I am mair independent as I am,” answered the old man; “I beg nae mair at ony single house than a meal o’ meat, or maybe but a mouthfou o’t—if it’s refused at ae place, I get it at anither—sae I canna be said to depend on onybody in particular, but just on the country at large.”
“Well, then, only promise me that you will let me know should you ever wish to settle as you turn old, and more incapable of making your usual rounds; and, in the meantime, take this.”
“Na, na, my leddy: I downa take muckle siller at ance—it’s against our rule; and—though it’s maybe no civil to be repeating the like o’ that—they say that siller’s like to be scarce wi’ Sir Arthur himsell, and that he’s run himsell out o’ thought wi’ his honkings and minings for lead and copper yonder.”
Isabella had some anxious anticipations to the same effect, but was shocked to hear that her father’s embarrassments were such public talk; as if scandal ever failed to stoop upon so acceptable a quarry as the failings of the good man, the decline of the powerful, or the decay of the prosperous.—Miss Wardour sighed deeply—“Well, Edie, we have enough to pay our debts, let folks say what they will, and requiting you is one of the foremost—let me press this sum upon you.”
“That I might be robbed and murdered some night between town and town? or, what’s as bad, that I might live in constant apprehension o’t?—I am no”—(lowering his voice to a whisper, and looking keenly around him)—“I am no that clean unprovided for neither; and though I should die at the back of a dyke, they’ll find as muckle quilted in this auld blue gown as will bury me like a Christian, and gie the lads and lasses a blythe lykewake too; sae there’s the gaberlunzie’s burial provided for, and I need nae mair. Were the like o’ me ever to change a note, wha the deil d’ye think wad be sic fules as to gie me charity after that?—it wad flee through the country like wildfire, that auld Edie suld hae done siccan a like thing, and then, I’se warrant, I might grane my heart out or onybody wad gie me either a bane or a bodle.”
“Is there nothing, then, that I can do for you?”
“Ou ay—I’ll aye come for my awmous as usual,—and whiles I wad be fain o’ a pickle sneeshin, and ye maun speak to the constable and ground-officer just to owerlook me; and maybe ye’ll gie a gude word for me to Sandie Netherstanes, the miller, that he may chain up his muckle dog—I wadna hae him to hurt the puir beast, for it just does its office in barking at a gaberlunzie like me. And there’s ae thing maybe mair,—but ye’ll think it’s very bald o’ the like o’ me to speak o’t.”
“What is it, Edie?—if it respects you it shall be done if it is in my power.”
“It respects yoursell, and it is in your power, and I maun come out wi’t. Ye are a bonny young leddy, and a gude ane, and maybe a weel-tochered ane—but dinna ye sneer awa the lad Lovel, as ye did a while sinsyne on the walk beneath the Briery-bank, when I saw ye baith, and heard ye too, though ye saw nae me. Be canny wi’ the lad, for he loes ye weel, and it’s to him, and no to anything I could have done for you, that Sir Arthur and you wan ower yestreen.”
He uttered these words in a low but distinct tone of voice; and without waiting for an answer, walked towards a low door which led to the apartments of the servants, and so entered the house.