Mrs. Balchristie was completely caught in the manner. She was aware, from the unusual warmth with which the Laird expressed himself, that he was quite serious in this matter, and she knew, that with all his indolence of nature, there were points on which he might be provoked, and that, being provoked, he had in him something dangerous, which her wisdom taught her to fear accordingly. She began, therefore, to retract her false step as fast as she could. "She was but speaking for the house's credit, and she couldna think of disturbing his honour in the morning sae early, when the young woman might as weel wait or call again; and to be sure, she might make a mistake between the twa sisters, for ane o' them wasna sae creditable an acquaintance."
"Haud your peace, ye auld jade," said Dumbiedikes; "the warst quean e'er stude in their shoon may ca' you cousin, an a' be true that I have heard.—Jeanie, my woman, gang into the parlour—but stay, that winna be redd up yet—wait there a minute till I come down to let ye in—Dinna mind what Jenny says to ye."
"Na, na," said Jenny, with a laugh of affected heartiness, "never mind me, lass—a' the warld kens my bark's waur than my bite—if ye had had an appointment wi' the Laird, ye might hae tauld me—I am nae uncivil person—gang your ways in by, hinny," and she opened the door of the house with a master-key.
"But I had no appointment wi' the Laird," said Jeanie, drawing back; "I want just to speak twa words to him, and I wad rather do it standing here, Mrs. Balchristie."
"In the open court-yard!—Na, na, that wad never do, lass; we mauna guide ye that gate neither—And how's that douce honest man, your father?"
Jeanie was saved the pain of answering this hypocritical question by the appearance of the Laird himself.
"Gang in and get breakfast ready," said he to his housekeeper—"and, d'ye hear, breakfast wi' us yoursell—ye ken how to manage thae porringers of tea-water—and, hear ye, see abune a' that there's a gude fire.—Weel, Jeanie, my woman, gang in by—gang in by, and rest ye."
"Na, Laird," Jeanie replied, endeavouring as much as she could to express herself with composure, notwithstanding she still trembled, "I canna gang in—I have a lang day's darg afore me—I maun be twenty mile o' gate the night yet, if feet will carry me."
"Guide and deliver us!—twenty mile—twenty mile on your feet!" ejaculated Dumbiedikes, whose walks were of a very circumscribed diameter,—"Ye maun never think o' that—come in by."
"I canna do that, Laird," replied Jeanie; "the twa words I have to say to ye I can say here; forby that Mrs. Balchristie"