'Ye'll no hae mickle better whisky than that aboon the Pass?'
'I am nae frae aboon the Pass.'
'Ye're a Highlandman by your tongue?'
'Na; I am but just Aberdeen-a-way.'
'And did your master come frae Aberdeen wi' you?'
'Ay; that's when I left it mysell,' answered the cool and impenetrable Callum Beg.
'And what kind of a gentleman is he?'
'I believe he is ane o' King George's state officers; at least he's aye for ganging on to the south, and he has a hantle siller, and never grudges onything till a poor body, or in the way of a lawing.'
'He wants a guide and a horse frae hence to Edinburgh?'
'Ay, and ye maun find it him forthwith.'