Parchement leues be wonte to be ruled: that there may be a comly margēt: also streyte lynes of equal distaunce be drawe withyn: that the wryttyng may shewe fayre.
Olde or doting chourles can not suffre yōge children to be mery.
I haue lefte my boke in the tennys playe.
This ynke is no better than blatche.
Frobeynes prynt is called better than Aldus: but yet Aldus is neuer the lesse thanke worthy: for he began the fynest waye: and left saūple by the whiche other were lyghtly provoked and taughte to deuyse better.
There is come a scoolle of fysshe.
The tems is frosne ouer with yse.
The trompettours blowe a fytte or a motte.
Vitelars thryue: by getherynge of good felowes that haue swete mouthes.
The mōkis of charter-house: neuer ete fleshe mete.