Antehac Asyli, nunc at Curiæ lumen,
Lingua manuque præter cæteros audax.
Jam proximi adsunt mos quibus fuit raptim
Surrepta pecora dissecare secreto:
Hi mortuum dispertiunt minutatim,
Celeriter, ut solebant quum timendum esset
Ne turpiter prehenderentur in furto.
Hæc terminata pars; operique succedit,
Quæ dissipandum curet clanculum corpus,
Exercita olim callida manus fraude,