Insula parva quidem est, latuitque incognita quondam,
Donec Ulyssipolis navale Tagique fluenta
Linquentes Nautæ, post dira pericula ponti
Vix tandem incolumes tenuerunt: tum, quia festo
Visa die est Helenes, Helenæ de nomine Terram
Dixerunt; nunc est productum nomen, Helēna.
Insula parva quidem, et nullos habitura colonos,
Ni procul a terris aliis, penitusque remota,
Opportuna foret lassis succurrere nautis,
Et requiem præbere brevem; namque omnia circum