Illic Cyrneii Proles vesana parentis
Felix Prædo jacet, Bonaparte, haud utile mundo
Editus exemplum, terras tot posse sub uno
Esse viro. Cyrni fines, latebrasque suorum
Deseruit, fatale malum, fulmenque quod omnes
Percuteret pariter populos, et sidus iniquum
Gentibus, et monstrum non aversabile votis.
Quinctiam Oceano classes inferre parabat;
Isset in occasus, mundi devexa secutus,
Ambissetque polos: victrixque Britannia solùm