Ce sunt les chouses ordonnees pour larmee Monseigneur de Savoye sur le gouvernement daler sur la Mer.
10. Item quand le dit seigneur voudra avoir conseil qui facet mettre son estendart aut et que toutes les gallees doivent venir vers le dit seigneur et oui ce quil voudra ordonner des autres gallees ce que le dit seigneur voudra ordonner.
11. ... et que la ou ilz sont dessendu a terre que chascun tirat celle part soubz la banniere quil est.
22. Item se ensi est que monseigneur vueille parler es gallees que monseigneur doye lever une banniere a ses armes a muy de la galee et tantost chascune des gallees se doit aprochier du dit seigneur sur la penne dicte.
23. Item se ainsi est que monseigneur vueille parler a lung ou a deux ou au plus des gallees que quant monseigneur fera lever une bandiere a dues ou plus que le patron du quel seront les armes de la bannere ou dues bannieres que monseigneur fera lever se doivent tantost aprochier de la galee de monseigneur pour oir ce que leur voudra dire sur la penne dessus dicte.
26. Item si ainsi fut que aucune des dictes galee veist aucune nef ou galee ou autre navile estrange que tantost deust lever une bandiere e baissier la bannere vers celle part ou il verra le naviles estrange sur la penne dicte et tienne tant la bandiere que la galee monseigneur li ait rendu enseigne et quil ait lever sa bannere.
27. Item en cas avenoit que aucunes des dites galees eist aucun cas de necessite quil eust besoing dayde que elle doye fere enseigne dune banniere onmy de la galee et tantost les autres galees doivent aprochier celle par vers telle gallee pour ly aydier sur la dicte penne.
28. Item que nulle des gallees ne doivent esguarder lune contre lautre devant que elles verront pointer une banniere sur la galee monseigneur de pope en proue et tantost chascune des galees sur la penne dicte regardera lune contre lautre.
29. Item se ainsi estoit que une des galees fut esperdue des autres et ensi fut quelle se retornast avec les autres pour faire seigne de cognoissance de jour celle qui sera dessoubz vent ou celle doivent ou qui sera lancre doivent lever lestandart de son commun onmj lieu de sa galee et l'autre galee li doit rendre l'enseigne et lever lestandart de son commun en la proue chascune doit porter son estandart en lon lieu de la poupe adonques se feront cognostre qui sont amis et ce sur la penne dessus dict.
These are the ordinances for the armed force of My Lord of Savoy concerning the regulation of going upon the sea.