And whan it fell that he might hire espie,
He not with wanton loking of folie
His eyen cast on hire, but in sad wise
Upon hire chere he wold him oft avise,
Commending in his herte hire womanhede,
And eke hire vertue, passing any wight
Of so yong age, as wel in chere as dede.
For though the people have no gret insight
In vertue, he considered ful right
Hire bountee, and disposed that he wold