In Juliam Barinen. Ode viii. lib 2.
Ulla si juris tibi pejerati
Pœna, Barine, nocuisset unquam,
Dente si nigro fieres, vel uno
Turpior unqui.
Crederem—Sed tu simul obligasti
Perfidum votis caput, enitescis
Pulchrior multo, juvenumque prodis
Publica cura, &c.
Προσφωγησις Christi ad Peccatorem.
Parodia ix. lib. 2.
Ulla si juris tibi pejerati
Culpa, peccator, doluisset unquam
Mente, si tantum fieres vel unâ
Tristior hora
Plauderem—Sed tu, simul obligasti
Perfidum votis caput, ingemiscis
Ob scelus nunquam, scelerumque prodis
Publicus autor, &c.
In Bacchum. Ode xxiii. lib. 3.
Quo me, Bacche, rapis tui
Plenum, Quæ in nemora, aut quod agor in specus,
Velox mente novâ; quibus
Antris, egregie Cæsaris audiar
Æternum meditans decus
Stellis inserere et consilio Jovis, &c.
Ad Christum. Parodia xxiii. lib. 3.
Quo me, Christe, feram mali
Plenum, Quæ in nemora, aut quos fugiam in specus,
Pressus mole gravi? Quibus
Antris ob maculam criminis occultar
Æternam meditans facem
Infernum effugere, et simplicium Stygis? &c.