Niliacae potator aquae, Judaeus, et omne 55
Litus Tyrrhenum quos, et Atlantis, alit.
Hos quàm dissimiles (linguae sive ora notentur)
Hos quàm felices pace Britannus habet!
Anglia! dum pietas et honos, dum nota per orbem
Sit tibi in intacto pectore prisca fides; 60
Dum pia cura tibi, magnos meruisse triumphos,
Justaque per populos jura tulisse feros;
Longinquas teneat tua vasta potentia terras,
Et maneat Calpe gloria magna Tibi!