Engannaron sotilmente
Con ymaginacion loca,
Fermosura y edat poca
Al ninno bien paresciente.
Estrella resplandesciente,
Mirad bien estas dos vias,
Pues beldat y pocos dias
Cada qual en vos se siente.
Prados, verduras et flores
Otorgo que las miredes,
Otrosí que escuchedes
Dulçes canticas de amores.
Mas por sol nin por calores
Tal cobdicia non vos ciegue,
Vuestra vista siempre niegue
Las fuentes et sus dulçores.
Fyn.
Deseando vuestra vida,
Áun vos dó otro conseio:
Que non se mire en espeio
Vuestra fas clara, garrida;
Que sabed que la partida
Sería dende tanto fuerte,
Que non vos fuese la muerte
De Narciso repetida.
VILLALOBOS.
