A las diez y seys preguntas dixo, que dize lo que dicho tiene é que en ello se afirma é que asy es publica voz é fama entre las personas que dello an noticia é conoscimiento, é questo es lo que sabe so cargo del juramento que hizo y firma aqui su nombre.—Francisco de Morales.
Bartolomé de Caso, IX testigo.
El dicho Bartolome de Caso, testigo presentado, dixo, ques de hedad de quarenta é cinco años, poco mas ó menos, é que no es pariente de ninguna de las partes, etc.
A la primera pregunta del dicho ynterrogatorio dixo, que conosce al Almirante don Diego Colon de cinco años á esta parte, poco mas ó menos, é que al promotor fiscal no le conosce.
A la segunda pregunta dixo, que á oydo dezir lo contenido en la dicha pregunta á muchos marineros é á otras personas cuyos nombres no se acuerda.
A la tercera pregunta dixo, que á oydo dezir lo contenido en la dicha pregunta á marineros é á otras personas cuyos nombres no se acuerda é que asy es muy publico é notorio.
A la quarta pregunta dixo, que á oydo dezir lo contenido en la dicha pregunta á muchos marineros cuyos nonbres no se acuerda.
A la quinta pregunta dixo, que sabe lo contenido en la dicha pregunta por queste testigo á andado por la costa de Paria é el Darien, é que sabe que todo es una costa hasta el cabo de Gracias á Dios, que dixo ques ciento é veynte leguas abajo de Veragua.
A la sesta pregunta dixo, que á oydo dezir lo contenido en la dicha pregunta á muchos marineros é honbres de la mar muchas vezes é que asy lo tenia por notorio.
A la setena pregunta dixo, que á oydo dezir lo contenido en la dicha pregunta, é queste testigo vido quando Hojeda é Bastidas é Juan de la Cosa é Cristoval Guerra é otros, fueron á descobrir, é que ya se dezia quel Almirante abia descubierto á la provincia de Paria, é que oyo dezir que los suso dichos siguieron por lo descubierto por el dicho Almirante.