de la otava pregunta dyxo que lo oyó dezir a muchos de los que fueron en el dicho viage.
a la novena pregunta dixo que lo oyó dezir a los mismos que fueron en conpañía del dicho almirante a descubrir la dicha tyerra.
de la dézima pregunta dixo que lo que sabe es que este testigo vido yr desde esta ciudad a los dichos viceynte yañez e juan de solis para el dicho viaje adelante de la tierra de veragua e despues desto estando este testigo en la ysla española vido tornar al dicho viceynte yañez e juan de solís que venian de descubrir la dicha tierra e hablaron con este testigo e que cree este testigo quel dicho almirante no avía tocado en la dicha tierra salvo los dichos juan de solís e viceynte yañez por que si el dicho almirante allí tocara los dichos juan solís e viceynte yañez lo dijeran e dexaran señal de donde avía tocado.
de la honce pregunta dyxo que lo oyó dezir al dicho martin alonso e a otros vezynos de palos.
a la doze pregunta dyxo que lo oyó dezir en la villa de palos e vido platycar al dicho martin alonso e al dicho almirante a razon del dicho viaxe estando en la villa de palos.
de la treze pregunta dyxo que lo oyó dezir al dicho martin alonso estando en la villa de palos.
de la catorce pregunta dyxo que lo que sabe es que este testigo vido al dicho martin alonso dar al dicho almirante dos navíos que tenya suyos e desus parientes e el dicho martin alonso e sus hermanos e otros parientes suyos e criados vido este testigo que fueron enel dicho viaje e partyeron de la dicha villa de palos e lo al contenido en la pregunta que lo non sabe.
de la quinze pregunta dyxo que vido quel dicho martin alonso yba por capitan del uno de los dichos dos navíos e su hermano yva por capitan del otro navío e lo al contenido en la pregunta lo oyó dezir á muchos marineros de dicha armada.
a la diez y seis pregunta dyxo que lo oyó dezir a muchos de los que fueron el dicho viaje.
de la diez e syete pregunta dyxo que lo oyó dezir a los dichos marineros.