A las veynte e dos preguntas dixo que oyó dezir lo contenido en la dicha pregunta a muchos marineros de palos que fueron con el dicho martin Alonso e con el dicho almirante don Cristobal.
A las veynte e tres preguntas dixo que dize lo que dicho tiene en la pregunta antes desta.
A las veynte e quatro preguntas dixo que a visto yr armadores a la tierra firme con gente e dizen que an topado con tierra firme e an rescebido daño los descubridores e su jente fasta que a visto que sus altezas an enbiado mucha gente armada porque por fuerça los sojuzgasen.
A las veynte e cinco preguntas dixo que dize lo que dicho tiene e que no sabe otra cosa para el juramento que fizo.
Juan de Moguer, testigo.
Juan de moguer vecyno desta villa de lepe testigo presentado por el dicho bartolomé de arriola aviendo jurado en forma de derecho dixo que no es pariente de ninguna de las partes, etc.
A la primera pregunta dixo que no conosce al dicho fiscal e que conosce al dicho almirante e que conosció al almirante viejo su padre don Cristobal e que conosce al señor don Juan de Fonseca obispo que agora es de burgos e que conosce a martin alonso pinçon e a viceynte yañez pinçon e a Francisco martin pinçon sus hermanos, vesinos que fueron de palos e que conosce a todos los demás contenidos en la dicha pregunta e que conosce al dicho Juan de Solís.
A la tercera pregunta dixo que no la sabe más de quanto oyó dezir que el dicho cristobal guerra e pero alonso niño que descubrieron la tierra firme y el Resgate de las perlas e que lo oyó dezir a muchos de palos.
A la quarta pregunta dixo que dize lo que dicho tiene en la pregunta antes desta.