A la quarta pregunta dixo que oyó dezir lo contenido en la dicha pregunta a algunas personas.
A la quinta pregunta dixo que no la sabe.
A la sesta pregunta dixo que no la sabe.
A la setena pregunta dixo que lo que sabe es que este testigo fué el dicho viaje en conpañía del dicho viceynte yañez e que es verdad lo contenido en la dicha pregunta, porque este testigo lo vido e fué el dicho viaje como dicho tiene.
A la otava pregunta dixo que no la sabe.
A la novena pregunta dixo que la no sabe más de quanto lo oyó dezir.
A la déscima pregunta dixo que oyó dezir lo contenido en la dicha pregunta algunas personas que no se acuerda.
A las siguientes preguntas dixo que no las sabe.
A las veynte e cinco preguntas dixo que dize lo que dicho tiene e que no sabe otra cosa e que esta es la verdat para el juramento que fizo e firmó de su nonbre en el Registro de justicia—Juan de Palencia.
Y ansi tomados los dichos e depusiciones delos dichos testigos luego el dicho alcalde dixo que mandava e mandó a mí el dicho escrivano los sacase en linpio e los diese firmados e synnados e cerrados e sellados en manera que fagan fee al dicho bartolomé de arriola pagándome mi justo e devido salario, en lo qual dixo que está presto de ynterponer e ynterpuso su abtoridad e decreto judicial.