Et lors que tu seras docte suffisamment,
Bien instruit à vertu pour vivre honnestement,
Il te faut avoir soing solicitude & cure
De vivre selon Dieu, sans faire à nul injure,
Rendre à chacun le sien, & ne faire à l'autruy
Ce que tu ne voudrois que te fust fait par luy,
Faisant participant de tes moeurs & science
Ceux que tu cognoistras en avoir indigence:
Ausquels tu monstreras de bon coeur en tout lieu
Tout le bien que tu sçais, & que tu tiens de Dieu.