Ou dieu t'a mis indigne creature
Tant riche et noble eslue en prelature
Dont tu rendras conte estroit quoy qu'il tarde
Mais sçais tu quant demain par adventure
Ou aujourd'ui pourtant donne toy garde
Homme arme toy contre l'eure future
Forte et dure car mort de la pointure
Te picquera de sa cruelle darde
Mais sçais tu quant demain par adventure
Ou aujourd'uy pourtant donne toy garde