Premierement—tu (sans raison) commences ou chapistre
45[fol. 185 vo. b] de Raison et dis qu’elle nomme les
secrés membres d’omme par leur propre nom.[40] Et respons a
tel argument que diex fist les choses—dont sont elles bonnes,
donc les puet on bien nommer. Vraiement se dis tu: “Je
confesse que dieu crea toutes choses pures et nettes venans
50de soy; n’adonc en l’estat d’ignocence n’eust esté laidure de
les nommer; mais par la polucion de peché devint homme
immonde”; et fais exemple de Lucifer, qui fut premierement
bel et le nom bel, qui puis par peché fu rameney a orrible