parler; ce n’est pas tout ung deuoir et pouoir. Je confesse
245que querir occasion de parler de l’euure de nature, en laquelle
se fait la polucion qu’aucuns tant abhominent, et se soubtiuer
a en parler diuersement pour le plaisir c’on y auroit, trop ce
seroit mal fait. Et ainsy l’entent Tulle ou liure des Offices[64]
et les autres philozophes qui pareillement en parlerent. Mais
250quant on parle de plusseurs choses diuerses, et, sans y venir
par affeccion particuliere, on descent aux secrés membres, on
en puet parler proprement. Et ainssy en parle maistre Jehan
de Meung ou chapistre de Raison. Et par dieu une fois en