soubz ce nom il li fait guerre; se en la personne d’ung sarrazin
455ung homme seme erreurs en la foy, en sera il excusé? Et
d’autres pareilles, qui tant soit pou ne sont a propos. Je li
demande pourtant, se Saluste recite la coniuracion de Catiline
encontre la chose publique de Ronme, en est il pour ce coulpable?
Pourtant, se Aristote recite les oppinions des anciens
460philozophes contenant erreurs en philozophie, est il semeur
d’erreurs en icelle? Pourtant, se la sainte escripture recite les
abominnables pechés de Soudome et Gomorre, enorte elle
yceulx ensuir? Quant tu vas au sermon, n’ois tu pas aux