Vraiement je n’entens point comment cest exillement se
590soustiengne par raison. Je dy que si un liure est cause
d’exillier son aucteur, le liure doit estre premierement exillié.
Mais a propos de ce que dit dame Eloquance theologienne,
qu’un vin qui ne nuyra a ung sain, fera fors du sens ung qui
tremblera fieures. Pareillement di je qu’un regart fait par
595la fourme[101] ou la famme d’ung Rommain ou Ytalyen donra
occasion au mary, comme j’ay oy dire, de l’empoisonner et
ainssy le murdrier mauuaisement, la ou ung baisier en
France ne donroit pas occasion de tenser sa famme ou au