Car ce sont ses propres mos; je n’y voy point de mesprison.
ET POUR CE que chascun n’a pas leu le liure de la Rose, je
685reciteray ycy les propres mos de Genius, et me soit pardonné
se je suis trop prolix en recitant ores et autresffois les propres
mos du liure. Deux causes le me font faire, l’une ci est affin
c’on ne cuide que je die chose qui ne soit ou liure, pour ce que
mains [fol. 190 a] sont qui ne le lisent point, comme j’ay dit.
690L’autre raison est que je ne pouroye en prose aussi briefment
reciter une chose, comme maistre Jehan de Meung la dit en
rime leonine. Veés cy doncques les mos de Genius: