Pour le despoir de ignorant personne
Car petite clochette grant voix sonne
Qui bien souvent les plussaiges reveille
Et le labeur d’estude leur conseille
Pource prince treslouable & benigne
Moy nommee chrestienne femme indigne
De sens acquis pour si faicte euvre emprendre
A rimoyer et dire me vueil prendre
Une epistre qui a hector de troie
Fut envoiee sicomme l’histore l’ottroie