Douleur, courroux, desplaisir et tristesse,
Quelque tourment que j'aye main et soir,
Ne pour doubte de mourir de destresse,
Ja ne sera en tout vostre povoir
De me changier le tres loyal vouloir
Qu'ay eu tousjours de la Belle servir,
Par qui je puis, et pense recevoir
Le plus grand bien qui me puist avenir.
Quant j'ay par vous aucun mal qui me blesse,
Je l'endure par le conseil d'Espoir