S'en vont fuiant; ilz n'osent demourer,
Ne se trouver en vostre compaignie;
Mais se meurent de courrous et d'envie,
Quant il vous plaist d'ainsi me conforter.
L'aise que j'ay, dire je ne sauroye,
Quant Souvenir et vous me racontez
Les tres doulx fais, plaisans et plains de joye
De ma Dame, qui sont congneuz assez
En plusieurs lieux, et si bien renommés,
Que d'en parler chascun en a liesse.