Car jeunes gens qui desirent honneur,
Quant veoir vont aucun royal Seigneur,
Ilz se doivent mectre de leur puissance
En bon arroy, car cela les avance;
Et si les fait estre prisiez des gens,
Quant on les voit netz, gracieux et gens.
Tantost apres tous deux nous en alasmes,
Et si longtemps ensemble cheminasmes
Que venismes au plus pres d'un manoir
Trop bel assis, et plaisant à veoir;