Ainsi, le temps en grant ennuy perdrez,
Qui pis vauldra que l'amoureux martire.
Et puis apres, pour vous donner confort,
Vous promectra que recevrez amande
De tous les maulx qu'avez souffers à tort,
Et que c'est droit qu'aucun guerdon vous rende;
Mais il n'est nul qui à elle s'atende,
Qui tost ou tard ne soit, je m'en fais fort,
Deceu d'elle, à vous je m'en raport;
Si pry à Dieu que d'elle vous deffende.