Si alasmes en ce point jusqu'au lieu
Là où estoit des amoureux le Dieu.
Entour de lui son peuple s'esbatoit,
Dancant, chantant, et maint esbat faisoit;
Tous à genoulz nous meismes humblement,
Et Jeunesse parla premierement;
Disant, «Tres haut et noble puissant Prince,
A qui subgiet est chascune province,
Et que je doy servir et honnourer,
De mon povoir je vous viens presenter