Et oultre plus, pour vray vous certiffie,
Quant aux connins, que dictes qu'ay amez,
Ilz sont pour moy, plusieurs ans a passez,
Mis en oubly; aussi mon instrument
Qui les servoit, a fait son testament,
Et est retrait, et devenu hermite;
Il dort tousjours, à parler vrayement,
Comme cellui qui en riens ne prouffite.
Ne parlez plus de ce, je vous en prie,
Dieux ait l'ame de tous les trespassez!