Fresche beaulté tres riche de jeunesse,
Riant regart trait amoureusement,
Plaisant parler gouverné par sagesse,
Port femenin en corps bien fait et gent,
Haultain maintien demené doulcement,
Acueil humble plain de maniere lie,
Sans nul dangier bonne chiere faisant,
Et de chascun pris et los emportant;
De ces grans biens est ma Dame garnie.
Tant bien lui siet à la noble Princesse