[25]: Metus potentiarum invisibilium, sive fictæ illæ sint, sive ab historiis acceptæ sint publice, religio. Si publice acceptæ non sint, superstitio.
[26]: Omnis societas vel commodi causa vel gloriæ, hoc est, sui, non sociorum amore contrahitur.
Statuendum originem magnarum et diuturnarum societatum non a mutua benevolentia, sed a mutuo metu exstitisse.
Voluntas lædendi omnibus inest in statu naturæ.
Status hominum naturalis antequam in societatem coiretur, bellum. Neque hoc simpliciter, sed bellum omnium in omnes.
Bellum sua natura sempiternum.
[27]: Corpus et substantia idem significant, et proinde vox composita substantia incorporea est insignificans æque ac si quis diceret corpus incorporeum.
Quidquid imaginamur finitum est. Nulla ergo est idea neque conceptus qui oriri potest a voce hac, infinitum.
Recidit ratiocinatio omnis ad duas operationes animi, additionem et substractionem.
Genus et universale nominum non rerum nomina sunt.