Vous sçavez que Celie & moy nous aymons fort.
ISMENIE.
Tres-bien, & que Felice en est mesme jalouse.
TENARE.
Justement, elle enrage, & veut que je l'espouse;
Mais me treuvant trop ferme en ma premiere amour,
Elle veut de dépit me faire un mauvais tour
Par ces deux assassins qui m'ont pris par derriere.
ISMENIE.
C'est mon frere & le Roy qui se donnent carriere.
ARMILLE.
Sans doute, & les voicy.